МКъТУ-м щеджэрэмэ адашIыгъэ зэIукIэгъу
Я VIII-рэ ЗэIухыгъэ апшъэрэ гъэсэныгъэ чемпионатэу «НыбжьыкIэ профессионалхэр» зыфиIорэм къыдыхэлъытагъэу Iэнэ хъураеу «Гъэхъагъэхэр пшIынхэм яушъхьагъур» зыцIэр зэхащагъ, ащ къырагъэблэгъагъэх Мыекъопэ къэралыгъо технологическэ университетыр къэзыухыгъэхэу щыIэныгъэм гъэхъэгъэшхохэр щызышIыгъэхэр.
Чемпионатнэ движением икоординаторэу, маркетингым, сервисым ыкIи зекIоным якафедрэ идоцентэу Хьанэхъукъо Заремэ зэIукIэгъур зэрищагъ.
Iофтхьабзэм хэлэжьагъэх: Чэчэн Республикэм щыIэ Россгвардием иштаб ипащэ игуадзэу, полицием иподполковникэу, инженернэ факультетыр кэзыухыгъэу, ХэушъхьафыкIыгъэ дзэ операцием хэлэжьагъэу Саидмагомед Юнаевыр; тыкъэзыуцухьэрэ дунаим икъэухъумэнкIэ газрыкIуапIэхэм я Мыекъопэ линейнэ гъэIорышIапIэ апэрэ категорие зиIэ иинженерэу Елена Петановар; унэе сатыушIэу, блогерэу Иван Маличыр; унэе сатыушIэу, кадастровэ инженерэу КIэдыгъо Рустем; рекламнэ агентствэу «Бренд» зыфиIорэм ипащэу, информационнэ политикэмкIэ ректорым иупчIэжьэгъоу, курсэу «Теория и практика медиакоммуникаций» зыфиIорэм иавторэу, журналистикэмрэ рекламэмрэ якIэлэегъаджэу Анастасия Хажгериевар.
ХьакIэу къекIолIагъэ пэпчъ игухэлъхэр къызэрэдэхъугъэхэ шIыкIэр, гъэхъагъэу ашIыгъэхэр къаIотагъэх. Ахэр университетым зэрэщеджагъэхэр, ащ ишIуагъэ къызэрякIыгъэр, IофыгъуакIэхэр лъагъэкIотэнхэм зэрэщымыщынэщтыгъэхэр къаIотагъ ыкIи арэущтэу псэунхэу студентмэ къяджагъэх.
ЗэIукIэгъум икIэухым гъэхъагъэхэр пшIынхэмкIэ анахь Iофыгъо шъхьаIэхэу ищыкIагъэхэр агъэнэфагъэх. Ахэмэ ахэфагъэх IофшIэныр шIу плъэгъуныр, Iофэу пшIэрэм лъэшэу уфэщэгъэныр, щэIагъэ, гъэсэныгъэ ыкIи акъыл зэдыуиIэнхэр.