Я VIII-рэ чемпионатэу «НыбжьыкIэ профессионалхэр» — апэрэ мафэм къыгъэнэфагъэхэр!
Тыгъуасэ Мыекъопэ къэралыгъо технологическэ университетым зэнэкъокъухэмкIэ ушъагъэу мафэр щыкIуагъ.
Мыщ фэдэ лъэныкъохэмкIэ площадкэмэ ащызэнэкъокъугъэх:
— «Флористикэр»: зэнэкъокъум хэлажьэрэмэ темэу «Динамика природы» зыфиIорэр яIофшIагъэхэм къащагъэлъэгъуагъ, кIэшIагъэ дизайнхэр ашIыгъэх, яIэпэIэсэныгъэ бгъэшIэгъонэу икъущтыгъ.
— «Рестораннэ сервисыр»: салфеткэмэ язэкIоцIылъхьан къыщегъэжьагъэу шъон пытэхэм язэфэмыдэныгъэ къэпшIэным нэсыжьэу — зэнэкъокъум хэлажьэрэмэ IэпэIэсэныгъэ ин мыщ къыщагъэлъэгъуагъ.
— «ЗекIоныр»: пакетнэ турхэм къащыублагъэу маршрутхэу Марокко ыкIи Алтайскэ крам нэсыхэрэр зэхэгъэуцогъэнхэр — зэнэкъокъум хэлажьэрэмэ уасэ дэгъухэр ахэмэ афашIыгъэх.
— «Урбанистикэр ыкIи къэлэ псэолъэшIыныр»: проектым ишIын рамыгъажьэзэ кварталхэр уаплъэкIугъэх, къэлэм иинфраструктурэ ыкIи къалэм изытет нахьышIу шIыгъэнхэм ахэр фэIорышIагъэх.
— «Тыкъэзыуцухьэрэ дунаим икъэухъумэн»: зэнэкъокъум хэлажьэрэмэ пыдзафэхэр инвентаризацие ашIыгъэх ыкIи газоанализаторхэм Iоф зэрадашIэрэр къагъэлъэгъуагъ.
— «Предпринимательствэр»: зэнэкъокъу мэфэ гъэшIэгъоныр рагъэжьагъ. Командэмэ ябизнес-проектхэр къагъэгъунэнхэм фэхьазырых ыкIи осэшIмэ апашъхьэ къаралъхьащтых.
— «БизнесымкIэ программнэ зэшIокIхэр»: Iофтхьабзэм хэлажьэхэрэр информационнэ системэм изэхэгъэуцон фежьагъэх, апшъэкIэ щыIэ технологиехэр агъэфедэх.
— «Финансхэр»: Мыекъуапэ ибюджет изытет ауплъэкIугъ ыкIи зэфэхьысыжьхэр ашIыгъэх, ар нахьышIу шIыгъэнымкIэ унашъохэр агъэхьазырыгъэх, республикэм хэхъоныгъэхэр фэшIыгъэнхэм ар фэIорышIэщт.
Апэрэ мафэр IэпэIэсэныгъэ лъэныкъомкIэ ушъэгъагъэ. Мы зэнэкъокъум хэлажьэрэ пэпчъ тырэгушхо ыкIи гъэхъагъэу ашIыщтхэм, ятIонэрэ мафэм къыгъэлъэгъощтхэм тыкъяжэ.