ШIэныгъэм идунай ухахьэмэ — МКъТУ-м щыкIогъэ мастер-классхэр!
Тыгъуасэ Мыекъопэ къэралыгъо технологическэ университетым мастер-класс гъэшIэгъонхэр щыкIуагъэх, ахэр я VIII-рэ ЗэIухыгъэ апшъэрэ гъэсэныгъэ чемпионатэу «НыбжьыкIэ профессионалхэр» зыфиIорэм къыдыхэлъытэгъагъэх.
Лицееу №35-м, Гимназиеу №5-м ыкIи гъэсэныгъэ еджапIэу №10-м ястудентхэм юридическэ шIэныгъэхэмкIэ кандидатэу Елена Курбановар ягъусэу криминалистикэм идунае хэхьагъэх, курсыми джары ыцIагъэр: «Сэ сыкриминалист!» Композиционнэ портретхэр зэхагъэуцонэу зарагъэшIагъ, джащ фэдэу дактосканерым Iоф рашIагъ ыкIи зэрауплъэкIухэрэ техникэр зэхафыгъ.
Мэкъу-мэщ технологиехэм яфакультет щеджэрэ студентхэр мастер-классым нэIуасэ щыфэхъугъэх салфеткэмэ язэкIоцIыщыхьан искусствэм! Салфеткэмэ Iанэр агъэкIэракIэрэ къодыеп, ахэр искусствэ шъыпкъэ мэхъух.
«Идентификация ароматических пищевых веществ» зыфиIорэ курсыри гъэшIэгъонэу кIуагъэ. Химическэ зэпхыныгъэхэмкIэ кIэлэеджакIомэ мэхэр зэхашIыкIын алъэкIыгъ, гъомлапхъэмэ ядэгъугъэ зэхафышъугъэ.
«Сэ сыпсэолъэшI!» зыфиIорэ мастер-классыр техническэ шIэныгъэхэмкIэ кандидатэу Щыщэ Ритэ зэрищагъ. Студентмэ макетхэр къаугупшысыгъэх, макетированием ишъэфхэр зэрагъэшIагъэх.
Мы Iофтхьабзэмэ ахэлэжьагъэмэ зэкIэмэ тафэраз. Тицыхьэ пытэ телъ, мастер-классхэм ащагъотыгъэ шIэныгъэхэр ясэнэхьатхэмкIэ къашъхьэпэщтых.