Гъомлэпхъэ промышленностым хэхъоныгъакIэ щашIыгъ
Гъэтхапэм и 28-м Урысые Федерацием къыщаугупшысыгъэхэм я Къэралыгъо реестрэ патентэу «КъэкIрэмэ экстрактыр зэрахэпшIыкIыщт шIыкIэр» зыфиIорэр щарагъэтхыгъ, ар Мыекъопэ къэралыгъо технологическэ университетым ишIэныгъэлэжьмэ къагъэлъэгъуагъ.
ШIыкIэр къэзгъотыгъэхэр, иавторхэр: технологическэ факультетым идеканэу Шъхьэлэхъо Анзаур, гъомлэпхъэ производствэм имашинэхэм ыкIи иIэмэ-псымэхэм якафедрэ идоцентэу Сихъу Хьазрэт, метрологием истандартизацие ыкIи товарнэ экспертизэм икафедрэ идоцентэу Тазэ Зарет, техническэ шIэныгъэхэмкIэ кандидатэу КIыкI Саид, техническэ шIэныгъэхэмкIэ кандидатэу Людмила Лунинар, метрологием истандартизацие ыкIи товарнэ экспертизэм икафедрэ идоцентэу Сихъу Нафсэт, техническэ шIэныгъэхэмкIэ докторэу, профессорэу Елена Викторовар, МКъТУ-м ишIэныгъэлэжьэу Мария Тамахинар.
Гъомлапхъэм идэгъугъэ къычIирымыгъанэу, шIуагъэ къэзытэу хэлъхэр къыухъумэхэу гъэпсыгъэ мы къэкIхэрэмэ ахашIыкIыщт экстрактэу къаугупшысыгъэр.
Тицыхьэ телъ, ар отраслымкIэ мэхьанэшхо зэратырэ Iахьэу зэрэхъущтым, ыпэкIэ зэрэлъигъэкIотэщтым.