Урысые обществэу «ШIэныгъэм» игъэсэныгъэ Iофтхьабзэхэм ягъэцэкIэн
Проектэу «ШIэныгъэр. Къэралыгъор» зыфиIорэм къызэрэдилъытэрэм тетэу къэралыгъо къулыкъушIэхэм яплощадкиплIмэ, Адыгэ Республикэм ит ведомствэхэм, уIэшыгъэ министерствэхэм яIофышIэхэм апае лекциехэм къяджагъэх.
Лекциехэр къафатыхэзэ федеральнэ, шъолъыр ыкIи муниципальнэ хабзэ органхэм системэ зыхэлъ гъэсэныгъэ IофшIэн афызэхэщэгъэныр проектым ипшъэрылъ.
Политическэ шIэныгъэхэмкIэ докторэу, профессорэу, НИИ-м иэтнокультурнэ ыкIи икомплекснэ гумэкIхэм ялабораторие ипащэу Жадэ Зурет хэгъэгу кIоцI IофхэмкIэ АР-м и Министерствэ икъулыкъушIэхэм апае темэу «Урысыем ихэдзын процессхэм IэкIыбкIэ къызэрэхахьэхэрэр ыкIи ахэмэ уазэрэпэуцужьыщтыр» зыфиIорэм къеджагъ; социологическэ диагностикэм илабораторие ипащэу Ляушъэ Светланэ темэу «Гушъхьэ-зекIокIэ хабзэхэм Урысыер якъэухъумапI» зыфиIорэр УФ-м и Следственнэ гъэIорышIапIэ и Следственнэ комитетэу АР-м щыIэм иIофышIэхэм апае къеджагъ; МКъТУ-м ипсихологическэ къулыкъу ипащэу Людмила Красновар темэу «Профессиональнэу Iофым упыужьыныр: ар сыд ыкIи сыдэущтэу ащ уебэныщт?» зыфиIорэм Судебнэ приставхэм яфедеральнэ къулыкъу и ГъэIорышIапIэу АР-м щыIэм ыкIи МЧС-м и ГъэIорышIапIэу АР-м щыIэм яIофышIэхэм апае къеджагъ; педагогикэ шIэныгъэхэмкIэ докторэу Мария Паатовам еджапIэхэм якIэлэцIыкIу общественнэ объединениехэм адэлажьэрэ пащэхэм яIэпыIэгъухэм апае мастер-класс къытыгъ, ар темэу «КIэлэ Iэтахъомэ япхэндж зекIуакIэхэр пэшIорыгъэшъэу къыхэгъэщыгъэнхэмкIэ ыкIи гъэтэрэзыжьыгъэнхэмкIэ проектированиер шIыгъэныр» зыфиIорэм фэгъэхьыгъагъ.