Сергей Карякиным и Шахматнэ клуб икъызэIухын МКъТУ-м ипрофессор хэлэжьагъ
Мы мафэхэм партиеу «Единэ Россием» иобщественнэ IэпыIэгъу и Штабэу Удмуртием щыIэм Сергей Карякиным и Шахматнэ клуб къыщызэIуахыгъ, ащ проектэу «Шахмэтхэр тэтыемэ апай» зыфиIорэм лъэтегъэуцо щыфашIыгъ. Мыекъопэ къэралыгъо технологическэ университетым ипрофессорэу ФИДЕ-м имастерэу Эмин Ягубовыр а Iофтхьабзэм хэлэжьагъ.
Шахматнэ клубипшI пчъагъэ Урысыем ичIыпIэ зэфэшъхьафхэм къащызэIуахыгъахэх. Ахэр хэушъхьафыкIыгъэ дзэ операцием хэлажьэрэ дзэкIолIхэр зэтегъэуцожьыгъэнхэм фытегъэпсыхьагъэх.
Удмуртиер Къэралыгъо Думэм къыщызгъэлъагъорэ депутатэу, «Единэ Россием» ишъолъыр къутамэ исекретарь игуадзэу Олег Гариныр, «Лидеры России» зыфиIорэ шахматнэ командэм икапитанэу Сергей Мокровыр ыкIи танк батальоным икомандирэу, Урысыем и ЛIыхъужъыцIэ хэушъхьафыкIыгъэ дзэ операцием къызщыфагъэшъошагъэу, майорэу Артур Орловыр торжественнэ зэхахьэм хэлэжьагъэх.
«Шахмэтхэр тэтыемэ апай» зыфиIорэ проектыр тыгу къызыкIыгъэр бэшIагъэ. Ау гукъэкIыр дгъэцэкIэн зытлъэкIыгъэр Сергей Карякиныр къызыддэIэпыIэр ары, ащ ипилотнэ проект Ижевскэ лъэтегъэуцо непэ щыфэтшIыгъ. ТидзэкIолIхэр бэрэ заом хэтых, ахэр рэхьатыжьынхэмкIэ шахматхэм яшIуагъэ лъэшэу къакIо», — къыддэгощагъ Эмин Ягубовыр.
Проектым лъэтегъэуцо зыфашIым ыуж, Сергей Карякиныр а зы уахътэм Iофтхьабзэм хэлажьэрэмэ шахмат адешIагъ.