ЗэхэшIэныгъэм игъунапкъэхэм афэгъэхьыгъэ тренинг МКъТУ-м щыкIуагъ
Непэ Мыекъопэ къэралыгъо технологическэ университетым и «Точка кипение» психологическэ тренингэу «УизэхэшIэныгъэ игъунапкъэхэр» зыфиIорэр щыкIуагъ, ар инженернэ факультетым иапэрэ курс щеджэрэ студентхэм апае зэхащэгъагъ.
Тренингым къыдыхэлъытагъэу «зэхэшIэныгъэм игъунапкъэхэр» пIомэ, ащ мэхьанэу иIэр, эмоциехэр къыздикIыхэрэр студентмэ зэрагъэшIагъ. Эмоциемэ узэрадэлэжьэщтыр, зэрэбгъэIэсэщтхэр къафаIотагъ. Студентмэ шIыкIэу «Шъхьафит сурэтшIыныр» агъэфедагъ ыкIи эмоцие дэгъумрэ дэимрэ апае шъолъырыр къаугупшысыгъ, метафорическэ ассоциативнэ картэхэмкIэ язэхэшIэныгъэ икууагъэ, зынэсрэр зэхашIыкIын алъэкIыгъ.
— Тхьаегъэпсэушхо етэIо МКъТУ-м ипсихологическэ къулыкъу ипащэу Людмила Вячеслав ыпхъум ащ фэдэ Iофтхьабзэ гъэшIэгъон зэрэтфызэхищагъэм фэшI, — къыIуагъ инженернэ факультетым истуденткэу Наталья Кушнеревам.
Iофтхьабзэр интерактивнэ дэдэу хъугъэ, лъэшэу тэгугъэ шIэныгъэу студентмэ ащ щагъотыгъэр ящыIэныгъэкIэ къашъхьэпэжьынэу.