НыбжьыкIэ шIэныгъэлэжьхэм язэнэкъокъу 2024-м текIоныгъэ къыщыдихыгъ!
Мы мафэхэм Мыекъопэ къэралыгъо технологическэ университетым и Медицинскэ институт мамыкумрэ гинекологиемрэ якафедрэ иIофышIэу Георгий Алексеевыр я XXXVII-рэ Дунэе конгрессэу эндоскопие курсым фэгъэзагъэм къалэу Москва щыхэлэжьагъ, ащ ыцIагъэр «Новые технологии в диагностике и лечении гинекологических заболеваний».
Конгрессым къыдыхэлъытагъэу шIэныгъэлэжь ныбжьыкIэхэм язэнэкъокъу зэхащэгъагъ. Ащ ушэтакIохэм яIофшIагъэхэр къыщагъэлъэгъуагъэх. Зэнэкъокъум хэлэжьагъэх аспирантхэр, ординаторхэр ыкIи апшъэрэ курсмэ ащеджэрэ студентхэр.
Зэнэкъокъум ипшъэрылъыгъэр инновационнэ шIэныгъэ IофшIэнхэр ыкIи ушэтынхэр медицинэм зэрэрахьылIэрэр, гущыIэм пае, гинекологием, зэхэфыгъэныр арыгъэ.
Тигуапэу къэтэIопщы Георгий мы зэнэкъокъум текIоныгъэ къызэрэщыдихыгъэр ыкIи апэрэ чIыпIэр къызэрэфагъэшъошагъэр! ШIэныгъэлэжь ныбжьыкIэм иIофшIагъэ игъэкIотыгъэу къызэIуихын ылъэкIыгъ, IофыгъуакIэхэр хигъэхьашъугъэх.
Тыгу къыддеIэу текIоныгъэу къыдихыгъэмкIэ тыфэгушIо, джыри тапэкIэ ащ фэдэ гъэхъагъэхэр бэрэ ышIынхэу тыфэлъаIо!