Общественнэ лъытэныгъ
Мыекъопэ къэралыгъо технологическэ университетым иректорэу Къуижъ Саидэ ыцIэкIэ рэзэныгъэ тхылъ къэкIуагъ, къэзгъахьыгъэр къэкIыхэрэр биологическэу къэухъумэгъэнхэм я Федеральнэ шIэныгъэ гупч ары.
— МКъТУ-м ишIэныгъэлэжь IофшIакIохэмрэ студентхэмрэ Мафэу БиоШъофхэр-2024-рэ зыфиIорэм чанэу зэрэхэлэжьагъэхэм фэшI лъэш дэдэу тыпфэраз! Ахэр зэхахьэм зэрэхэтыгъэхэм яшIуагъэкIэ, Iофтхьабзэр зэпхыныгъэ площадкэ дэгъу хъугъэ, биологизированнэ ыкIи органическэ чIыгулэжьыным алъэныкъо фэгъэзэгъэ шIэныгъэлэжьхэр амалэу аIэкIэлъхэмкIэ зэхъожьышъугъэх, — къыщитхыгъ рэзэныгъэ тхылъым ФГБНУ ФНЦБЗР-м ипащэу Анжела Асатуровам.